Hou jou huis agtermekaar en onderhoudskostes laag met die volgende wenke
Elke maand:
- Gaan al jou geute na en verwyder blokkerings
- Gaan al jou vensters en mure vir krake na en, indien nodig, herstel dit
- Gaan jou waterrekenings na. Indien dit hoër as normaalweg is, kan dit beteken dat daar êrens ‘n gebarste pyp of lekkasies is
- Doen minstens twee keer per maand ‘n terugspoeling met jou swembadfilter
- Gaan mure na om vas te stel of die verf afskilfer of lugblasies vorm; dit kan ‘n teken van klammigheid in die muur wees.
Elke jaar:
- Maak seker geen vuilwaterpype of krane lek nie, want dit kan ‘n uitwerking op die struktuur van die huis hê
- Maak seker dat al die toevoerpype na baddens, wasbakke en toilette behoorlik verseël en waterdig is
- Gaan alle pype vir tekens van roes of slytasie na
- Gaan jou geiser na, insluitende die kleppe en termostaat
Hoe om jou swembad uit diep waters te hou:
- Gaan die binnevoering van die swembad vir krake of lugblasies na
- Filtreer die swembad minstens 4 ure lank per dag in die winter en 8 ure per dag in die somer
- Vervang die sand in die filter minstens een keer per jaar
In wind of weer – onthou:
- Om die gevaar van klammigheid en insakking te verminder maak seker reënwater vloei weg van die huis af
- Maak seker die elektriese bedrading en die verdeelbord word elke 2 jaar deur ‘n gekwalifiseerde elektrisiën nagegaan om te verseker dat alles nog in orde is
- Indien jy enige verbouings doen, laat ‘n gekwalifiseerde elektrisiën al die bedrading nagaan
Onthou ons het gekwalifiseerde bekwame en betroubare elektrisiëns in diens!